Элстэй толгод минь зүүдлэгдээд л байна
Эжий минь торойн харагдаад л байна
Эвэрсэн алга нь бодогдоод л байна
Энгэрийх нь үнэр санагдаад л байна
Аавдаа дахин шавхуурдуулмаар л байна
Айлгаж дараа нь тунирхмаар л байна
Эжийдээ очоод үнсүүлмээр л байна
Эрхэлж нялхарч аргадуулмаар л байна
Харийн нутаг давчдаад байна
Харсан зүгтээ гүймээр л байна
Хатуу дарсыг ч тулгамаар л байна
Хашгирч уйлмаар дуулмаар л байна
Саравчлан тосох нь аав минь л байна
Сандарч гүйгээд ээж минь л байна
Сааль нь ханхалсан гэр минь л байна
Сайхан бүхний дээж нь л байна
Цээлхэн дуугаа дуулмаар л байна
Сэмхэн нулимсаа дусаамаар л байна
Сэтгэл зүрх минь нутагтаа л байна
Сэлүүхэн талдаа хөрвөөмөөр л байна
Харийн нутаг давчдаад айна
Харсан зүгтээ гүймээр л байна
Хатуу дарсыг ч тулгамаар л байна
Хашгирч уйлмаар дуулмаар л байна
