Холливуудын од Аштон Катчер жүжигчин Мила Кунисд 4000 еврогийн үнэтэй гар утасны уут авч өгчээ.Тэднийг хосууд болсон гэсэн цуу яриа сүүлийн хэдэн сарын турш газар аваад байгаа юм. Харин саяхан папарацууд тэдний үнсэлцэж байгаа зургийг дарснаар цуу яриа үнэн болохыг батлаад өгсөн билээ. Тэд “Галзуу 16 настнууд” телевизийн цуврал шоунд хамтран тоглож байсан бөгөөд түүнээс хойш найзууд болсон аж. Харин ажиглагчид тэднийг аль хэдийн хамтран амьдраад эхэлсэн гэж үзэж байгаа юм. “Яг л шинэхэн хосууд шиг тэд үргэлж хамт явах болсон. Мөн бие биенийгээ ихэвчлэн шөнө л гэртээ авчирдаг. Мила бараг Аштоныд нүүгээд ирчихсэн” хэмээн ажиглагчид хэлжээ. Аштоны бэлэглэсэн гар утасны уут нь ягаан өнгөтэй зүрхэн болор шигтгээтэй гэнэ.
Б.Ууганчимэг
