Нийслэлийн “Улаанбаатар” чуулгын шинэ уран бүтээл “Гоолингоо” дуулалт жүжгийн албан ёсны хэвлэлийн бага хурал боллоо. Нээлтийн арга хэмжээнд “Улаанбаатар” чуулгын дарга Ц.Төвшинтөгс, МУСГЗ О.Соёлт, МУУГЗ Б.Баатар, МУСТА С.Баярсайхан, МУГЖ Г.Ариунбаатар, МУГЖ Г.Хонгорзул, МУСТА Б.Батболд, МУСТА Г.Отгонцэцэг, Ерөнхий продюссер Б.Нямсүрэн, Ерөнхий ивээн тэтгэгч "INFINITE HOLDING"-н захирал Э.Бархасбадь нар оролцлоо. Тус жүжгийн зохиолыг Төв аймгийн “Монгол туургатан” театрын ерөнхий найруулагч, зохиолч МУСТА С.Баярсайхан бичиж, хөгжмийн зохиолчоор МУУГЗ Ш.Аюуш ажиллажээ. Жүжгийн хяналтын зөвлөлийн гишүүдээр АЖ Б.Мөнхдорж, МУУГЗ Б.Баатар, МУСГЗ О.Соёлт, МУУГЗ Ч.Ганхуяг нар ажиллаж байгаа ажээ. “Гоолингоо” дуулалт жүжгийн гол дүрд цагдаагийн ерөнхий газрын “Сүлд” чуулгын гоцлол дуучин, Гавьяат жүжигчин Г.Ариунбаатар, УДЭТ-ын жүжигчин Г.Отгонцэцэг, “Улаанбаатар” чуулгын уртын дуучин, МУГЖ Г.Хонгорзул, МУСТА уртын дуучин Б.Батболд нар тоглож байгаа бөгөөд дүрүүдэд: МУГЖ Т.Баяраа, МУСТА М.Анхтуяа, О.Анхчимэг, Т.Лхагважав, Б.Эрдэнэсаруул, С.Отгонбаатар, Э.Цэнд-Аюуш, Ж.Буянтогтох нар тоглох нээ.
Түүнчлэн Нийслэлийн “Улаанбаатар” чуулгын үндэсний хөгжмийн "Хангарьд" найрлал “Гоолингоо” дуулалт жүжгийн хөгжмийг амьдаар тоглох юм байна.
Бэлтгэсэн: Ц.Эмүжин
Та бүхнийг урлагийн "ЯНЖИНЛХАМ" бурхан ивээх болтугай…
www.urlag.mn
