ЛОНДОН. /РОЙТЕР/. Британийн домогт "Битлз" хамтлагийн гишүүн Жон Ленноны нэрэмжит Энхтайвны шагналыг хүний эрхийг хамгаалагч, буяны үйлстэн болохын хувиар Америкийн поп дуучин Леди Гагад гардуулсан байна.Шагналын мөнгөтэйгөө тэнцэх хэмжээний мөнгийг ДОХ-той тэмцэх санд хандивлана гэдгээ Леди Гага мэдэгджээ. Тэрбээр "өөрийн дэмждэг зорилгодоо хүрэхийн тулд дэлхий ертөнцтэй болон олон улсын удирдагчидгай харилцах" бодолтой гэдгээ мөн мэдэгдсэн байна. Жинхэнэ нэрийг нь Стефани Жерманотта гэдэг Леди Гага шагналаа залуусыг дэмжихэд зориулахаар шийджээ.
"Леди Гага манай цаг үеийн агуу уран бүтээлчдийн нэг төдийгүй, даян дэлхийд харилцан ойлголцлыг бэхжүүлэхэд өөрийн уран бүгээлээ ашигладаг. Түүний "Born This Way" цомог дэлхийн оюуны газрын зургийг өөрчилсөн" гэж Йоко Оно мэдэгджээ.
Леди Гага шагнал авахын өмнө Лондон дахь Эквадорын ЭСЯ-нд орогнож байгаа, "Викикликс" байгууллагыг үүсгэн байгуулагч Жулиан Ассанжтай уулзсан байна.
Америкийн алдарт дуучнаас гадна Ленноны нэрэмжит шагналыг өнгөрсөн онд нас нөгчсөн, 2003 онд Иракт АНУ халдан довтолсныг дэмждэг, Англи-Америкийн нийтлэлч Крисгофер Хитченс, 2003 онд палестинчуудыг дэмжсэн жагсаалд оролцож яваад Израилийн армийн бульдозерт дайруулан амь үрэгдсэн Америкийн дайныг эсэргүүцэн тэмцэгч эмэгтэй Рейчел Корри нарт нэхэн олгожээ. Тэрчлэн "Эдийн засгийн алуурчид нүглээ наминчилсан нь" гэдэг ном бичсэн эдийн засагч, нийгмийн зүтгэлтэн Жон Перкинс шагнуулсан байна.
Үүнээс өмнө энэ онд уг шагналыг Оросын дуулиан шуугиан тарьж алдаршсан "Pussy Riot" хамтлаг хүртжээ. Тус хамтлагийн гурван гишүүнд сүмд зохисгүй авирласан хэргээр Москвагийн шүүх хоёр жил хорих ял оноосон билээ.
2002 онд бий болсон Жон Ленноны нэрэмжит шагналыг хоёр жилд нэг удаа олгодог юм.
З.Амгалан
