Ододтой бүжиглэе 3” маргааш эхэлнэ

“ТВ-5” телевизээс зохиодог “Ододтой бүжиглэе 3” шоу энэ сарын 23-наас буюу маргаашнаас эхлэн үдэш бүр 20.00 цагт үзэгчдэд хүрэх гэж байна. 
Урлаг, спортын одод мэргэжлээ солин бүжгийн спортын арван төрлөөр бүтэн сарын турш ширүүхэн өрсөлддөг тус шоунд дуучин ноён Бондгор, “Маск” продакшны жүжигчин, Соёлын тэргүүний ажилтан Ц.Ганзориг, Азийн модель агентлагийн тэргүүн, мисс Ч.Содтуяа, Уран нугараач, Соёлын тэргүүний ажилтан Э.Лхагва-Очир, Соёлын тэргүүний ажилтан, дуучин Б.Болдбаатар УДЭТ-ын жүжигчин, Соёлын тэргүүний ажилтан Г.Отгонцэцэг, “Aneмone” хамтлагийн дуучин Жаанаа нар өрсөлдөх нь.
Өнгөрсөн есдүгээр сард “Ододтой бүжиглэе 2” шоу болж, ялагчаа тодруулсан. Уг шоуны ялагчаар спортын салбараас анх удаа оролцсон буудлагын спортын тамирчин, ОУХМ Ц.Хонгорзул шүүгчдийн болон үзэгчдийн мессеж саналаар илт давуу ялалт байгуулан гранпри шагналын эзэн болж байсан юм.
Одод мэргэжлээ сольж ран сэтгэмж, бүжгийн ур чадвар өрсөлддөг уг нэвтрүүлгийн хөтлөгчөөр “Ододтой бүжиглэе 1” шоуны ялагч, жүжигчин Э.Ууганбаяр ажиллаж байгаа гэнэ.