Их Британий шилдэгийн шилдэг уран бүтээлчдийн нэг дуучин Аделийн “21” цомог Америкт 2012 оны хамгийн их худалдаалагдсан цомгоор дахин шалгарчээ. Цомгийг өнгөрөгч оны нэгдүгээр сарын 19-нээс худалдаанд гарган, мөн оны борлуулалтаараа тэргүүлсэн шилдэг цомгоор шалгарч байсан юм. Аделийн “Rolling in the Deep”, “Someone Like You” нэртэй олон мянган сонсогчдын байлдан дагуулсан уран бүтээлүүд тус цомогт орсон бөгөөд 2011 онд 5.8 сая худалдаалагдсан бол 2012 онд 4.4 сая ширхэг худалдаалагджээ. Америкт 2012 оны борлуулалтаараа тэргүүлсэн шилдэг таван цомгийг танилцуулъя:
1.Адель – “21”/4.4 сая ширхэг худалдаалагдсан/
2. Тейллор Свифт – “Red” /3.1 сая ширхэг/
3.”One Direction” хамтлаг – “Up All Night” /1.6 сая ширхэг/
4.Mumford and Sons – “Babel” /1.5 сая ширхэг/
5.”One Direction” хамтлаг – “Take Me Home” /1.3 сая ширхэг/ тус тус борлуулалтаараа тэргүүлээд байгаа ажээ.
