Дуучин Бритни Спирс сүй тавьснаа цуцалж, гэрлэхгүй гэдгээ албан ёсоор мэдэгджээ. Тэрбээр 2011 онд өөрийн найз Жейсон Трэвиктэй 90.000 долларын үнэтэй, гурван кратын шигтгээтэй бөгжөөр сүй тавьсан юм. Тэд 2009 оноос эхлэн болзож байсан юм.
"Жейсон бид хоёр сүйгээ цуцлахаар шийдлээ. Бид сайн найзууд хэвээр үлдэнэ” хэмээн31 настай Бритни Спирс мэдэгдсэн байна. Бритниг өмнө нь нэлээд зовж зүдэрч байхад Жейсон түүнд өмөг түшиг болж байсан билээ. Түүнийг эх байх эрхээ хасуулан, эмчлүүлж байхад Жейсон л тусалсан. Бритнийг хүүхдүүдээ буцааж авахад, мөн мөнгө санхүүгийн асуудлаа зохицуулахад дэргэд нь байсан хүн бол Жейсон юм.
Түүнчлэн Бритни Спирс “X Factor” хөгжмийн шоуны шүүгчийн бүрэлдэхүүнээс гарч байгаагаа баасан гарагт зарлав. Угтаа Бритни энэ шоуны шүүгчийн ажлын төлөө 15 сая доллар авсан байна. Бритни “Одоо студидээ эргэж ирэх цаг минь болсон” гэсэн байна.
www.times.mn
