“Харуй бүрий” киноны цус сорогч Эдвард Каллены дүрээр од болсон жүжигчин Роберт Паттинсон цэвэр британи маягийн паабтай болохыг хүсдгээ өгүүлжээ. Гэхдээ тэрээр тансаг, үнэтэй гэсэнгүй харин ч энгийн ажилчин ангийхны ордог пааб нээхийг хүсч буй юм байна.
“Хэлбэр хөөсөн шинэ загварын пааб сонирхлыг минь огт татдаггүй. Би энгийн ажилчин ангийнхны ордог паабтай болохсон гэж бодож байгаа. Тиймээс ч миний нээх паабт олон од орж ирээд, ачаалал бий болгоод байхыг би хүсэхгүй. Найз нартайгаа ажил төрөл ярих, зүгээр хууч хөөрөх гэсэн энгийн хүмүүс ирэх дуртай газар болвол сайхан санагдана. Их Британи бол паабны орон шүү дээ. Тиймээс энэ уламжлалыг л хадгалж үлдэх учиртай. Гэртээ эргэж очих тоолондоо би хавь ойрд байгаа хуучны паабууд хаагдаад буйг хараад гунигтай санагддаг. Энэ чинь Их Британийн нэг шинж төрх шүү дээ .Тиймээс хадгалж үлдэх хэрэгтэй” гэж Роберт өгүүлсэн байна.
urlag.mn
