Урлаг соёлын мэдээ мэдээллийн нэгдсэн www.URLAG.mn сайтаас санаачлан 2013 оны 01 дүгээр сарын 10-аас эхлэн “Mobile news” буланг нээсэн бөгөөд сүүлийн үед хэвлэл мэдээллийн хэрэгсэлүүдээр сенсааци тарин цацагдаж буй цаг үеийн мэдээ мэдээллийг эздээс нь тодруулга мэдээ хэлбэрээр утсаар авч уншигчдад үнэн зөвөөр түргэн шуурхай мэдээлэхийн зэрэгцээ олныг шуугиулж сенсааци тарих бүх төрлийн үнэн зөв мэдээ мэдээллийг уншигч хэрэглэгчдээс шууд утсаар авч олон нийтэд түргэн шуурхай мэдээлэх онцлогтой булан юм.
Энэ удаагийн “Mobile news”-ийн ярилцлагын эзнээр хошин урлагийн “Х-Түц” продакшны нүүр царай болсон авъяаслаг залуу жүжигчин А.Туяа оролцож уншигч түмэндээ “А.Туяа 5 саяар нүцэглэх болжээ” гэсэн гарчигтай мэдээллийн тодруулгыг хүргэлээ.
Жүжигчин А.Туяагийн ярсанаар бол “Play Boy” сэтгүүлийн хамт олноос ирэх сарын дугаарын нүүр хуудсыг чимээчээ гэсэн санал ирсэн боловч албан ёсоор гэрээ энэ тэр хийгдээгүй байгаа гэж мэдээлсэн юм. Түүнчлэн мөнгөний дүнг дур мэдэн зааж 5 саяар нүцгэлэхээр болсон талаархи мэдээлэл нь ямар ч ор үндэслэлгүй, зохиомол мэдээлэл байна хэмээн хариуллаа.
Дашрамд дурьдахад “Х-Түц” продакшны уран бүтээлчид бүрэн бүрэлдхүүнээрээ Солонгост ажиллаж амьдарч байгаа монголчууддаа шилдгийн шилдэг тоглолтоо үзүүлэхээр ирэх 02 дугаар сарын 09,10-нд БНСУ-ын Сөүл хотын Тундэмүний соёлын ордонд тоглох талаар мэдээлсэн юм.
“Mobile news”-ийг бэлтгэсэн: www.URLAG.mn сайт
Э.Цэнд-Аюуш