Төрийн соёрхолт, хөгжмийн зохиол Г.Бирваагийн хүү Төрийн соёрхолт Б.Мөнхболд аавынхаа шийрийг хатаасан хөгжмийн зохиолч билээ. Тэрээр “Алтан намар” хөгжмийн наадмын 2004, 2006, 2009 оны Гранпри шагналтай , “Гэгээн муза” наадмын шилдэг хөгжмийн зохиолч юм. Түүний хамгийн сүүлийн үеийн уран бүтээл гэвэл сэтгүүлч, зохиолч Б.Галааридын “Шар тэнгисийн тарчлаан” жүжгийн хөгжим мөн яруу найрагч Ц.Хулангийн “Лусын хааны охид” хүүхдийн жүжгийн хөгжмийн зохиолыг бичсэн нь үзэгчдээс өндөр үнэлгээ аваад байгаа юм. 2009 онд Төрийн соёрхолт эрхэм хүндтэй шагналыг авсан тэрээр 2010 онд “Галдан Бошигт” симфони сюьитээр анхны уран бүтээлээ үзэгч түмэндээ толилуулж байсан. Тэгвэл тун удахгүй өөрийн бие даасан цомгоо олны хүртээл богох гэж байна. Тус цомог нь хоёр хэсгээс бүрдэх бөгөөд түүхэн үйл явдлыг хөжмийн хэлээр дүрслэн үзүүлсэн тайлбартай юм байна. Уг цомогт Алтайн уртын дуу болон түүхэн гунигт үйл явдлыг хөгжмийн хэлээр илэрхийлсэн “Олгой нуурын дэргэдэх тулаан”, “Улайхуйн тулаан”, “Галдан Ану хатан хоёрын хайр” , “Тэрэлжийн 100 модны дэргэдэх үйл явдал” зэргийг дүрслэн өгүүлсэн бүтээлүүд нь багтах нь ээ. Түүнчлэн уг цомгийн тайлбарыг Соёлын тэргүүний ажилтан, жүжигчин Б.Отгонбат уншин Соёлын тэргүүний ажилтан, морин хуурч Д. Ишцог, лимбэч, цуурч Г. Нямжамцан, Морин хуур чуулгын хуурч, хөөмийч А.Даваазориг, Э.Сандагжав, уртын дууч Э.Болормаа нар хамтран ажиллажээ. Уг цомгийг бүтээхэд “PC mall” компанийн захирал Т.Ганбат, Н.Ганзориг нар санаачилан ивээн тэтгэж, БНСУ-д хэвлүүлсэн байна. Эгэл даруухан хэрнээ хөгжмийн ертөнцөд цахиур хагалж буй зохиолч Б.Мөнхболдын уран бүтээлийн шинэ цомог Монгол түмний уламжлалт баяр цагаан сарын босгон дээр үзэгчдийн хүртээл болгох гэж байна.
