Энэ сарын 12-нд “UB Palace”-ын концертын их танхимд "Ice Top" хамтлаг тоглолтоо хийхээр болжээ. Монголын хип, хоп хамтлагуудын анхдагчдын нэг “Ice Top” хамтлаг энэ жил 16 нас хүрч байгаа юм. “Ice Top”-чууд цагаан сарын шинийн хоёронд бие даасан тоглолтоо хийдэг уламжлалтай бөгөөд энэ удаад ч уг өдрийг сонгон авчээ. Мөн тэд 16 жилийн ойдоо зориулан тоглолтынхоо нэрээр сонгосон “Нөхөрлөл мандтугай” дуугаа клипжүүлэн хүргэсэн юм.Тоглолтын сюрпризээс дэлгэхэд, тэд амьд хөгжмийн хамтлагтай тоглох юм байна. Мөн “Жонон” хамтлаг, дуучин Үүрээ, Баярцэцэг, “Гурван охин”, “Номин талст” хамтлагийн дуучин Т.Дэлгэрмөрөн, Эгшиглэн гээд тэдэнтэй хамтарч уран бүтээлээ туурьвисан уран бүтээлчид нэгэн тайзнаа дуулах нь.Тоглолтын тасалбар 21 мянган төгрөг болон 100 мянган төгрөгний гэсэн хоёр үнэтэй юм байна. 100 мянган төгрөгний тасалбарт VIP суудал буюу тоглолтын хүлээн авалтанд оролцох эрх дагалдана гэсэн шүү.
www.URLAG.mn
