“Найзууд” хэмээх телевизийн олон ангит инээдмийн киноны Ричелийн дүрээр алдаршсан Холливудын жүжигчин Женнифер Анистон ээлжит шинэ киноныхоо зураг авалтад оржээ. Сүүлийн үед нам гүмхэн амьдрах болсон тэрбээр Америкийн нэрт зохиолч Элмур Леонардын 1978 онд туурвисан “The Switch” романаас сэдэвлэсэн кинонд /одоогоор нэр нь тодорхойгүй/ гол дүр бүтээхээр гэрээ байгуулсан гэнэ. Найруулагч Даниэль Шехтерийн бүтээж буй тус кинонд Анистоноос гадна Жон Хокс, Исла Фишер, Тим Роббинс нарын жүжигчид хамтран тоглож буй. Хошин өнгө аястай, гэмт хэргийн тухай өгүүлэх тус кино 2014 онд нээлтээ хийх гэнэ. Сонирхуулахад, киноны зурагт Коннектикут мужид эхэлсэн бөгөөд Женнифер Анистон шинэ бүтээлдээ зориулж, үсээ шаргал өнгөөр будуулжээ.
www.news.mn
