Нийслэлийн Соёл урлагийн газрын зөвлөхөөр С.Цогтбаяр ажиллана

Нийслэлийн Соёл урлагийн газрын зөвлөхөөр С.Цогтбаяр ажиллахаар боллоо. Тус газраас нийслэлийн Засаг даргын үйл ажиллагааны хөтөлбөрийг хэрэгжүүлэх, хотыг хөгжүүлэх, хотын соёлыг төлөвшүүлэх, хүний хөгжлийг дээдлэн шинэлэг хэлбэрээр ажиллахаар төлөвлөж байгаа.Энэ ажилд дадлага туршлага сайтай чөлөөт уран бүтээлч, шог зураач С.Цогтбаярын зөвлөгөө их хувь нэмэр оруулна гэж үзжээ.Самандарын Цогтбаяр нь 1964 онд Улаанбаатар хотод мэндэлсэн. Аж байдлын болон улс төр, уянгын болон хүүрнэл хошин хэлбэрээр уран бүтээлээ туурвидаг чөлөөт уран бүтээлч юм. Тэрээр  "Учиртай инээд", "Төрийн төлөө оготно", "Шог зургууд" зэрэг өөрийн шог зургийн олон номыг нийтийн хүртээл болгожээ. С.Цогтбаяр 1980-аад оноос "Тоншуул" сэтгүүлийг эрхлэн гаргах болсон.С.Цогтбаяр олон улсын томоохон уралдаан, тэмцээнүүдэд  байнга оролцож, эх орныхоо дэлхийд сурталчлах ажилд өөрийн хувь нэмрийг оруулж яваа шог зураач юм.


Б.Номин