Монголын рок, поп урлагт хэдийнээ өөрсдийн байр суурийг эзэлсэн гурван шилдэг уран бүтээлчийн хамтарсан “Андгай” хэмээх тоглолт цэрэг эрсийн баярыг тохиолдуулан болох нь ээ. “Харанга”-ын Х.Лхагвасүрэн, “Хар сарнай”-н С.Амармандах, “Номин талст”-ын Т.Дэлгэрмөрөн нарын хамтарсан “Мөнх хөх тэнгэр мину” цомог гарсан даруйдаа л сонсогч фенүүдийг байлдан дагуулж эхэлсэн хэдий ч албан ёсны нээлт нь тодорхой хугацаанд хойшлоод байсан тус цомгийн баяр ийнхүү гуравдугаар сарын 18-нд “Улаанбаатар” ресторанд болох ажээ. “Монголын нууц товчоо” , “Монгол нутаг мину”, “Монгол ээж” зэрэг 13 дуутай уг цомог цомгийн баяр нь үндэсний хэв маяг, Монгол омогшил гэдгийг жинхэнэ утгаар нь мэдрүүлэх юм байна. Тоглолтын найруулагчаар Төрийн соёрхолт, бүжиг дэглээч С.Сүхбаатар ажиллаж байгаа гэнэ.
www.URLAG.mn
