Энэ долоо хоногт эхлэх Токиогийн “Mersedes Benz Fashion week 2013”-ын тайзнаа загвар зохион бүтээгч С.Ариунаа өөрийн брэндийг танилцуулах гэж байна. Энэ салбарын түүхэнд анх удаа Монгол дизайнер, Монгол брэнд том хэмжээний загварын шоунд оролцож, дэлхийн топуудтай эн зэрэгцэн, эх орныхоо нэрийг сурталчилах аж. Мөн түүнчлэн хөгжмийн зохиолч Г.Ононгийн “Ертөнц” цомгоос Уулс аялгууг MMP ремикс хийж, албан ёсны хөгжимтэй Япон улсыг зорьж байна. Токиогийн загварын долоо хоног бол дэлхийн топ таван загварын долоо хоногуудын нэг бөгөөд загварын ертөнцийн бүхий л шилдгүүд цугладаг энэ тайзнаа "Ертөнц" цомгийн “Уулс” бүтээл эгшиглэж олон оддын сонорт хүрэх юм байна. Монгол моделиуд, Монгол дизайнер, Монгол брэнд дээрээс нь Монгол аялгуу эгшиглэх Токиогийн загварын долоо хоног ирэх сарын 17-23 –ны өдрүүдэд болж өнгөрөх юм байна.
www.URLAG.mn