Хүүхдийн дуу, аялгуугаараа нэрд гарсан Монгол Улсын гавьяат жүжигчин Л.Галмандах агсны хүү Г.Баттулга Орос улсад эх орныхоо нэр хүндийг өндөрт өргөж, удирдаач, хөгжимчний хувиар нэрд гараад амжжээ. Түүнийг Орост нэрээ цууриатуулж буй ази гаралтай арван залуу уран бүтээлчийн тоонд нэрлэсэн байна.Г.Баттулга 2006 онд Зүүн Сибирийн соёл, урлагийн академид элсэн орж, улаан дипломтой төгссөн байна. Одоо “Байгаль” театрт уран сайхны удирдагчаар ажиллаж буй ажээ. Тэрээр гуравдугаар сарын 21-нд “Отхончик” хэмээх кинонд бүтээсэн уран бүтээлээрээ хөгжим сонирхогчидтой дахин золгохоор болжээ.
www.URLAG.mn
