Нэрт дуучин Мадонна олон жилийн турш тоглолт хийж, цомгоо зарж, рекламд тоглосон ч тэрбумтан болж амжаагүй л байсан юм. Тэгвэл тэрээр өнгөрсөн онд дэлхийг тойрон аялалт тоглолт хийж 290 сая ам.доллар олжээ. Мөн аялан тоглолтын үеэр түүний нэр бүхий бараа бүтээгдэхүүний зарсан нь 71 саяын орлого оруулсан байна. Үүнээс гадна өнгөрсөн жилд цомог нь 9 саяын орлого оруулжээ. Ингэснээр нэрт дуучин үндсэн хөрөнгө дээрээ орлогоо нэмэхэд тэрбум ам.долларын босгыг давсан байна. Мадонна зөвхөн урлагийн салбар дахь орлогоос гадна Hard Candy спорт заалны сүлжээ, Vita Coco компанийг эзэмшдэгээс гадна Smirnoff-той хамтран ажиллаж, Truth or Dare үнэртэй усны орлогоос хүртэж, Material Girl брэндээс шиг олдог ажээ. Алдартнуудаас тэрбумтнуудын эгнээнд Жорж Лукас, Стивен Спилберг, Бмлл Гейтс, Марк Цукерберг, Опра Уинфри нар багтсан байдаг. Мадонна тэдний эгнээнд багтан тэрбумтан болж мөрөөдлөө биелүүллээ.
