Крис Браун "Late Show"-д зочноор оролцож, найз бүсгүй Рианнагийнхаа талаар сонирхолтой яриа өрнүүлжээ. Тэрээр "Би эмэгтэй хүнд гар хүрнэ гэдэг хамгийн буруу үйлдэл болохыг маш сайн ойлгосон" гэж ярьсан байна. Түүнчлэн "Би дахиж хэзээ ч ийм үйлдэл гаргахгүй. Өнгөрсөн хугацаанд би "яагаад ийм зүйл хийчихэв ээ" гэж байнга боддог байсан" гээд "Рианна бид хоёр ярилцсан. Би түүнийг зүрх сэтгэлээрээ мэдэрдэг. Тэр ч бас минийхийг мэдэрдэг, ойлгодог" гэж ярьжээ. Крис, Рианна хоёр 2009 онд салж байсан ч гурван жилийн дараа эргэж нийлсэн нь олон мянган фэнүүдийг нь гайхашруулаад байсан. Ялангуяа, Рианнаг эсэргүүцэж, буруутгах хүмүүс байсан хэдий ч тэдний хэн хэн нь бие биедээ ямар их хайртайгаа албан ёсоор мэдэгдээд байгаа нь олон хүний бухимдлыг арилгаж байгаа гэнэ.
www.URLAG.mn