“Meltdown” урлагийн наадмыг Йоко Оно зохион байгуулна

 Английн нийслэл Лондон хотноо жил бүрийн зургадугаар сард болдог “Meltdown” урлагийн наадмыг энэ жил “Beatles”-ийн дөрвөлийн нэг Жон Леннон агсны эхнэр, Японы нэрт жүжигчин Йоко Оно зохион байгуулахаар болжээ. 1993 оноос эхтэй тус наадам нь дуу хөгжим, театр, дэлгэцийн гээд урлагийн холимог төрлөөр явагддаг сүр дуулиантай наадмуудын нэг аж. Жил бүрийн энэ фестивальд зохион байгуулагчдын урилгаар урлагийн ертөнцийн ховор сонин, содон эрхмүүд оролцдог онцлогтой гэнэ. Энэ удаагийн наадамд оролцох алдартнуудын нэр эцсийн байдлаар тодроогүй байгаа ч Йоко Оно Английн нэрт дуучин Сьюзи Сью, Марианна Фейтфул, Америкийн нэрт дуучин Игги Поп нарыг урих болсноо өчигдөр албан ёсоор зарлажээ. Тус наадам ирэх зургадугаар сарын 14-23-нд Лондон хотын “Southbank Centre”-т болох юм.Өмнөх жилүүдийн “Meltdown” наадмыг Энтони Хегарти, Рей Девис, Ричард Томпсон  нарын урлаг соёлын алдартнууд зохион байгуулж байжээ.