Попын хаан Майкл Жексоны төрсөн дүү Ла Тойя өөрийнхөө амьдралыг өгүүлсэн реалити-шоу гаргаж эхэлжээ. Энэхүү шоу нэвтрүүлэгтээ Ла Тойя амьдралынхаа талаар ний нуугүй өгүүлсэн байна. "Майклыг багад нь манай гэрийнхэн Парис гэж нэрлэдэг байлаа. Энэ нь намайг галзууруулчих шахдагсан. Тиймээс ч би нохойгоо Парис гэж нэрлэдэг байж билээ" хэмээн ахдаа атаархаж явсан бага насаа Ла Тойя дурсчээ.Харин хуучин нөхөр Жек Гордоныхоо талаар "Түүнтэй жаахан ам зөрөхөд л намайг 00-ийн өрөөнд чирч оруулж байгаад зэрлэгээр зоддог байсан. Тэр яг л зэрлэг хүн шиг байсан. Ингээд би гоо сайхандаа үргэлж их хэмжээний мөнгө зарцуулахаас аргагүйд хүрдэг байлаа" хэмээн Ла Тойя амаргүй амьдралынхаа талаар ярьжээ. Ла Тойягийн энэхүү илэн далангүй яриаг түүний нэвтрүүлгийг рейтингийг тун их өсгөсөн ажээ.
Эх сурвалж: New.mn
