Victoria`s Secret-ийн сахиусан тэнгэрүүдийн нэг явсан загвар өмсөгч Кайли Бисутти нэгэн дуулиантай ном худалдаанд гаргаад байна. "Би сахиусан тэнгэр биш" гэх нэртэй энэхүү номд тэрээр алдартай брэндийн нүүр царай болно гэдэг үнэн хэрэгтээ эрчүүдэд секс үйлчилгээ л үзүүлэхээс хэтэрдэггүй гэж бичсэн байна.
"Нэгэн удаа би зураг авалтад орох болоход гэрэл зурагчин намайг чармай нүцгэн байгаа юм шиг харагдуулахаар байрлалаас зураг авахуулахыг шаардсан. Тэр "Та нар ингэж байж л Жизель Бундхений хэмжээнд хүрнэ" гэж зандарсан. Үнэндээ би тэгж хямдхан янхан шиг харагдахыг хүсээгүй тул, Victoria`s Secret-ийн удирдлагатай байгуулсан гэрээгээ тэр дороо цуцалж, өөрийнхөөрөө амьдрах болсон" гэж Кайли бичсэн аж.
Харин Victoria`s Secret-ийн удирдлагын зүгээс "Кайлитай гэрээ хийсэн зүйл байгаагүй, тэр зүгээр л сахиусан тэнгэрүүдийн нэг болох болзлоо хангачихаад байсан юм. Тэгээд л гэрээ хийхээс татгалзсан. Тэр хэдхэн хором харилцчихаад биднийг буруу ойлгож, ажлаа хүртэл янхандалт гэж хэлсэн нь харамсалтай" гэж өгүүлжээ.
Найман настайгаасаа нэрт загвар өмсөгч болохыг мөрөөдөж өссөн Кайли Бисутти мөрөөдлийн оргилдоо хүрэхийн өмнөхөн гэнэт ийнхүү Victoria`s Secret-ээс татгалзсан ямар учиртай болохыг одоо хүртэл хэвлэлийнхэн тодорхой мэдэхийг хичээсээр байна.
www.URLAG.mn
