Үзэгчдийн дунд хамгийн их хүлээлттэй киногоор тодроод буй “Ану хатан” түүхэн уран сайхны кино трэйлерийн нээлтээ “Black box” театрт баасан гаригт хийлээ. 2011 оны 8ур сард эхэлснээс хойш жил гаруй үргэлжилж байгаа “Ану хатан” кино төсөл энэ оны 8-р сард зураг авалтаа дуусган энэ өдөр албан ёсны трэйлер, постероо дэлгэж байгаа юм. Монголд анх болж байгаа кино трэйлерийн нээлт, постер дэлгэх ёслолд УИХ-ын гишүүн С.Одонтуяа, гишүүн асан Д.Арвин, дэд сайд асан Ч.Куланда, “Монфрэш” ХХК-ийн захирал С.Насанхүү, “Номин Холдинг”-ийн С.Шагдарсүрэн, “Dior” хатагтай Батчулуун, СГЗ зохиолч С.Оюун нарын зочид, урлаг соёлынхон, уран бүтээлчид оролцсоноос гадна саяхан осолд орж бурхан болсон хэмээн шуугиулж буй жүжигчин С.Алтанхуяг хөтөлсөн юм. Тэрээр Галан бошгитын хүү Сэвдэнбалжирын дүр бүтээсэн аж. Трэйлерийн нээлтийн үеэр “Ану хатан” кинонд ашигласан хаан, хатны сэнтий, зэвсэг, зүүлт гоёл чимэглэл, Зуун модны тулалдаанд хэрэглэсэн их буу, Ану хатны хуримын болон байлдааны хувцас, Галдан бошгитын хувцас хэрэглэлээр үзэсгэлэн гаргаж сонирхуулав.
Ангилал: Уртын дуу
“Onyx” Монголд ирлээ. Та чихэндээ ч итгэхгүй байж магадгүй. Тэгвэл “Чингис хаан” олон улсын нисэх онгоцны буудал өчигдөр орой хип, хопын амьд домог болсон “Onyx” хамтлаг газардлаа. Тэднийг реппер Gee түүний “Click click Boom” хамтлаг болон маргааш болох тоглолтыг зохион байгуулагчид, үнэнч фенүүд нь тосон авсан юм. Өнөөдөр 11.00 цагт “Corporate” зочид буудлын хурлын танхимд “Onyx” “Click click Boom” хамтлаг хамтдаа хэвлэл мэдээллийнхэнд тоглолтынхоо талаар мэдээлэл хийнэ. Харин та тоглолтын тасалбараа амжиж авахаа мартав. Маргааш Буянт-Ухаа цогцолборт 19.00 цагт “Onyx” бут авна.
Монголын хүүхэд бүрийн авьяас чадварыг нээн хөгжүүлэх “Авьяас” хөтөлбөр нээлтээ хийлээ. Нээлтийн үеэр БШУ-ны сайд Л.Гантөмөр “Энэ хөтөлбөр тодорхой авьяастай хүүхдийн хүрээнд хэрэгжихгүй. Хамгийн авьяасгүй хүүхдийн авьяасыг илрүүлэхэд чиглэсэн” хэмээн онцлов.
Хөтөлбөрийг 2012-2016 онд хэрэгжүүлэх бөгөөд авьяастай хүүхдүүдийн авьяасыг хөгжүүлэхээс гадна эцэг эх, багшийн олж хараагүй хүүхэд бүрийн авьяасыг нээн хөгжүүлж амжилтад хүргэх зорилготой юм. БШУЯ-наас “Авьяас” хөтөлбөрийг гардан хэрэгжүүлэх 21 авьяастныг сонгон авч эхний ээлжинд 21 сургуульд хөтөлбөрийг хэрэгжүүлэх юм. Хэл, өгүүлэхүй, уран зохиол, зураг дүрслэл, спорт, бүжиг, тэнцвэр, хөгжим, хэмнэл, тоо, техник, логик харилцаа гэсэн таван чиглэлийг сонгон авч хүүхдийн авьяасыг нээх юм байна.
Бельгийн алдарт жүжигчин Жон Клоуд Камиле Франциос Ван Варенберг буюу бидний нэрлэж заншсан Ван Даммийн төрсөн өдөр тохиож байна.
Тэрбээр Бельгийн нэр хүндийг дэлхийн кино ертөнцөд гаргаж чадсан цөөхөн алдартны нэг бөгөөд ард түмэн нь түүнийг “Ноён Бельги” хэмээн хүндэлдэг аж. Түүнийг 16 нас хүртлээ балетийн чиглэлээр хичээллэдэг байсан гэдэгт итгэх хүн олдохгүй биз.
Хүчээр шахуу балет заалгаж байсан Ван Дамм өөрийнхөө амьдралд эргэлт хийхийн тулд карате, кикбокс, таеквондо зэрэг тулааны урлагт шамдан суралцжээ. Багаасаа тайзны урлагт сонирхолтой байсан тэрбээр хамгийн анх 1989 онд “Кикбоксчин” нэртэй кинонд тоглосноор Бельгид алдар нь түгжээ.
Кино оддын хувирал
Улсын филармонийн гоцлол дуучин СТА С.Баттулга “Миний эх орон” бие даасан тоглолтоо хийх гэж байгаа билээ. Тус тоглолт дуучин С.Баттулгын хувьд уран бүтээлийн дөрөв дэх тоглолт нь аж. “Миний эх орон” тоглолт энэ сарын 20-нд Соёлын төв өргөөнд болох гэнэ. Мөн тэрбээр удахгүй, тоглолтынхоо дараа “Миний эх орон” цомгийн баяраа нижгэр тэмдэглэхээр төлөвлөснөө ярьж байсан.
Яармагийн дэнж дэх Буянт-Ухаа спорт цогцолборт ирэх бямба гаригт хип хопын домогт “ONYX” хамтлаг Монголд анх удаа хөл тавьж, “Click click boom” хамтлагтай хамтран тоглот хийх гэж байгаа билээ. Итгэмээргүй ч юм шиг сайхан мэдээний эзэд өнөөдөр Монголд ирнэ. Тоглолтыг угтан “Click click boom” хамтлагийн реппер Gee-тэй уулзаж, тоглолтын сонин хачнаас хуваалцлаа.
Гурван өдөр үзэгчдийг баярлуулсан Морин хуурын чуулгын уран бүтээлчид дахин тоглолт хийх нь. Тэд 20 жилийн ойн хүндэтгэлийн тоглолтоо үзэгчдийн хүсэлтээр дахин тоглохоор болжээ. Тоглолт ирэх арваннэгдүгээр сарын 7-нд Соёлын төв өргөөнд 17.30 цагт болох бөгөөд тасалбарын хувьд урьдын адил 20000, 10000 төгрөгийн үнэтэй байх юм шүү.
Тоглолт дахин болох сургаар аль хэдийн үзэгчид тасалбараа захиалаад эхэлсэн байна. Үзэж амжаагүй нь үзэж, үзсэн нэгэн нь дахин үзэж дэлхийд танигдсан Монгол Улсын Морин хуурын чуулгатай хамт байгаарай.
Та бүхнийг урьж байна
Монголын хөгжмийн урлагийн түүхийн хуудаснаа дахин давтагдашгүй нэгэн гайхалтай тоглолтын түүх нэмэгдлээ. Тэрээр хөгжмийн зохиолч, төгөлдөр хуурч, Sweetymotion” хамтлагийн продюсер Б.Чинбатын “Аравт” хэмээх түүхэн киноны хөгжмөөс бүтсэн “Эзлэн” хэмээх тоглолт мөнхөд эгшиглэх нүсэр хөгжмийн дугаралт, мянга мянган үзэгчдийн тасралтгүй нэжигнэтэл таших алга ташилтын дор бүтэн хоёр цаг гаруй үргэлжилсэн юм. Үнэхээр үзэгчдийн зүрх сэтгэлийг “Эзлэн” хэмээн нэрийдсэндээ хүрч тэдэнд сэтгэлийн их цэнгэл эдлүүлж, эх түүхээр нь омогшуулж байсан юм.
Хөгжмийн зохиолч, төгөлдөр хуурч, Sweetymotion” хамтлагийн продюсер Б.Чинбатын шинэ тоглолтын нэрний учрыг фенүүд нь зохион байгуулагчдаас олонтаа асууж байгаа гэнэ. Түүний түүхэн “Аравт” киноны хөгжмөөс бүтэж буй тоглолтын нэр нь “Эзлэн”…
“Өвөг дээдсийн сүнс нь энэхүү хөгжмийг бич хэмээн Чинбаад шивнэсэн ба үзэгчдийн сэтгэл зүрхийг эзэлж, байлдан дагуулахыг бэлгэдэж…хэмээн тоглолтын ТВ сурталчилгаанд өгүүлдэг. Зохион байгуулагчид ийн бэлгэдэж шинэ нэрийг өгчээ. Үнэхээр ч өвгөд дээдсээрээ бахархах, эх түүхээрээ омогших, түүхэн хөгжмийн агуу баялгийг гайхаж, зүрх сэтгэлээ эзлүүлэх “Эзлэн” тоглолт болоход гурав хоног үлдлээ. Тоглолтонд Улсын симфони найрал хөгжим, хоор, Монголын шилдэг ятга, морин хуурын мастерууд оролцож байгаа ажээ: