1937 онд анхлан олны хүртээл болсон “Дисней”-н сонгодог бүтээлүүдийн нэг “Цасангоо ба долоон одой” хүүхэлдэйн кино тун удахгүй бүрэн хэмжээний уран сайхны кино болж, үзэгчдэд хүрэх гэж буй. 2022 онд зураг авах ажил нь эхэлсэн тус уран бүтээлийн нээлтийн товыг 2025 оны гуравдугаар сарын 21-нд хэмээн зарлаад байгаа юм.
Цасангоогийн дүрд Латин-Америк гаралтай жүжигчин, дуучин, youtuber Рейчел Зеглэр, харин хорон санаат хатан хааны дүрд Гал Гадот нар тоглосныг кино урлаг сонирхогсод эчнээ мэдэж буй. Тэгвэл тус киноны албан ёсны трейлер цацагдлаа.
Ташрамд дурдахад, “Цасангоо ба долоон одой” киног Марк Уэбб найруулж, киноны хөгжмийг “La la land” болон “Greatest showman” киногоор нь үзэгчид андахгүй болсон Бенж Пасек, Жастин Пол нар ажилласан байна.
