УДБЭТ-ын уран бүтээлчид олон энэ амралтын өдрүүдэд буюу арванхоёрдугаар сарын 28, 29-нд “Тэнгэрийн элч” түүхэн дуурийг толилуулна.
“Монголын нууц товчоо”, Их эзэн Чингис хааны түүхээс сэдэвлэн, Монголын түүх, уламжлалаа хойч үедээ үнэн зөвөөр ойлгуулж, өвлүүлэн уламжлуулах зорилготойгоор бүтээсэн үндэсний эл дуурийн цомнолыг Л.Даваасүрэн, Б.Энхтуяа, хөгжмийг Ардын жүжигчин А.Энхтайван бичиж, ерөнхий продюсероор УДБЭТ-ын захирал, Гавьяат жүжигчин Д.Алтанхуяг, ерөнхий найруулагчаар С.Баттулга, ерөнхий удирдаачаар Ц.Тэлмүүн-Очир, ерөнхий хормейстероор Урлагийн гавьяат зүтгэлтэн Н.Дашбямба, балетмейстераар М.Нямтайван, туслах найруулагчаар Б.Мэндбаяр, зураачаар Ж.Болортүвшин, хөтлөх найруулагчаар Б.Цэрэндаваа нар ажиллажээ. Дуурийн гол агуулга нь “Мөнх тэнгэрийн элч” хэмээн өргөмжлөгдөж явсан эзэн Чингис хааны итгэлт анд Боорчийн үнэнч сэтгэл, эр хүмүүний нөхөрлөлийг харуулсан түүхэн сэдэвт бүтээл юм.
Тэмүүжин /баритон/ – Э. Бумхүү
Боорчи/тенор /- Б.Батжаргал, М.Даваадорж
Өэлүн үжин /меццо Сопрано /- Ж.Энхмаа, Б.Уранзолбоо
Наху баян /басс баритон/ – С.Батэрдэнэ, Ж.Бямбажав
Оюутсэцэн/сопрано/ – Б.Энхнаран, Г.Энхнаран
Хэрлэнжин Гоо /меццо сопрано/ – М.Дариймаа, Т.Чулуунчимэг
Бөртэ сэцэн /сопрано/ – С.Мөнгөнцэцэг, Б.Эрдэнэтуяа
Хасар /тенор/ – Г.Шижирболд, Ө.Цэрэнчунт
Бэлгүдэй /баритон/ – Э.Отгонбат, Б.Монголхүү
Гарьдхүү /тенор/ – Б.Гомбо-очир, Д.Эрдэнэ-очир
Хадаан /сопрано/ – Ө.Уянга, Б.Одонзаяа
Болдтөмөр /баритон/ – Л.Болдцэрэн, Б.Шинэбаяр
Таргудайн 1-р туршуул /тенор/ – Н.Чулуунхүү, Б.Хонгор
Таргудайн 2-р туршуул /басс баритон/ – Б.Алтанхуяг, Э.Мөнхтөр зэрэг уран бүтээлчид тоглохоор бэлтгэл ажлаа хангажээ.
