“Түмэн тэмээний баяр 2025” ирэх хоёрддугаар сарын 1-3-ны хооронд Өмнөговь аймгийн төвд болно. Энэхүү баярыг Хоёр бөхт тэмээг өсгөн үржүүлэх, маллах арга ухаан, зан үйл, уламжлалыг өвлүүлэх, тэмээн соёл, спортыг хөгжүүлэх зорилгоор анх 1997 онд зохион байгуулжээ. Түүнээс хойш энэ баярыг 26 дахь жилдээ зохион байгуулах гэж байна.
Уг баяр нь Монголын аялал жуулчлалын салбарын анхны арга хэмжээнүүдийн нэгд тооцогддог бөгөөд өвлийн аялал жуулчлалыг тогтвортой хөгжүүлэн, 2016 онд 1108 тэмээ барианд оруулсан амжилтаар “Гиннес”-ийн дээд амжилтыг шинэчлэн тогтоож байв.
