78 дахь удаагийн BAFTA шагнал гардуулах ёслол өнгөрсөн ням гараг/2025.02.16/-т Их Британийн нийслэл Лондон хотын “Royal festival hall” танхимд болж өндөрлөлөө.
BAFTA буюу Британийн кино академийн шагнал гардуулах эл ёслолыг Английн жүжигчин Дэвид Теннант хөтлөн явуулсан бөгөөд өнгөрөгч 2024 онд Их Британийн кинотеатруудаар гарсан бүтээлүүдийн дундаас шилдгийг шалгаруулаад байна.
Энэ жилийн BAFTA-д нэр дэвшигчдийн жагсаалтыг өнгөрсөн сарын 15-ны өдөр танилцуулж, хамгийн олон төрөлд нэр дэвшсэн киногоор 12 төрөлд нэр дэвшсэн “Conclave” болон 11 төрөлд нэр дэвшсэн “Emilia Pérez” кино тодорсон юм.
Тэгвэл ням гарагт зохиогдсон шагнал гардуулах ёслолын үеэр Ромын папын талаар өгүүлдэг “Conclave” болон Унгарын архитектор Ласло Тотын намтар түүхийг өгүүлсэн “The Brutalist” кино уг наадмын гол шагналуудыг хүртжээ. Мөн хамгийн олон шагнал хүртсэн кинонуудаар ч тодорсон бөгөөд тус бүр дөрвөн шагнал хүртсэн байна.
2025 оны BAFTA наадмын шагналтнуудыг танилцуулъя.
- Шилдэг кино – “Conclave”
- Шилдэг Британийн уран бүтээл – “Conclave”
- Шилдэг гол дүрийн эмэгтэй жүжигчин – Майки Мэдисон (“Anora”)
- Шилдэг гол дүрийн эрэгтэй жүжигчин – Эдриен Броуди (“The Brutalist”)
- Шилдэг туслах дүрийн эмэгтэй жүжигчин – Зои Салдана (“Emilia Pérez”)
- Шилдэг туслах дүрийн эрэгтэй жүжигчин – Кийран Калкин (“A Real Pain”)
- Шилдэг найруулагч – Брэйди Корбет (“The Brutalist”)
- Шилдэг Британийн дебют уран бүтээл – “Kneecap”
- Шилдэг гадаад хэл дээрх кино – “Emilia Pérez”
- Шилдэг баримтат кино – “Super/Man: The Christopher Reeve Story”
- Шилдэг анимэйшн кино – “Wallace and Gromit: Vengeance Most Fowl”
- Шилдэг хүүхдийн/гэр бүлийн кино – “Wallace and Gromit: Vengeance Most Fowl”
- Шилдэг эх кино зохиол – “A Real Pain”
- Шилдэг сэдэвлэсэн кино зохиол –” Conclave”
- Шилдэг шинэ залуу од – Дэвид Жонсон
- Шилдэг киноны хөгжим – Дэниэл Блумберг (“The Brutalist”)
- Шилдэг жүжигчдийн сонголт – “Anora”
- Шилдэг зураг авалт – “The Brutalist”
- Шилдэг хувцас загвар – “Wicked”
- Шилдэг эвлүүлэг – “Conclave”
- Шилдэг тайзны загвар – “Wicked”
- Шилдэг нүүр будалт, үс засалт – “The Substance”
- Шилдэг саунд – “Dune: Part Two”
- Шилдэг тусгай эффект – “Dune: Part Two”
- Шилдэг Британийн богино хэмжээний кино – “Rock, Paper, Scissors”
- Шилдэг Британийн богино хэмжээний анимэйшн – “Wander to Wonder”
- “Bafta Fellowship” хүндэтгэлийн тусгай шагнал – Warwick Davis
