1960-аад оны поп хөгжмийн бэлгэ тэмдэг, алдарт “The Ronettes” хамтлагийн гоцлол дуучин Ронни Спекторын түүхээс сэдэвлэсэн кино хийхээр болсон тухай “A24” кино компани мэдээлж байсан.
Тэгвэл тус бүтээлд жүжигчин Зендая гол дүр буюу дуучин Ронни Спекторын дүрийг бүтээхээр болсон байна. Харин найруулагчийн үүргийг “Aften Sun”, “Moonlight” зэрэг бүтээлүүдээрээ алдартай Барри Женкинс гүйцэтгэхээр болжээ. Сонирхуулахад, дуучин Ронни Спектор өөд болохынхоо өмнө буюу 2022 онд өөрийнхөө дүрд жүжигчин Зендаяг тоглуулах хүсэлт тавьж байжээ. Иймд олон нийт Зендаяг дуучин Ронни Спекторын дүрд төгс тохирох нэгэн хэмээн тодорхойлоод байна.
Киноны үйл явдалд “The Ronettes” хамтлаг хэрхэн үүсэж байсан талаар, мөн Ронни Спекторын хайр дурлал, карьер, үр хүүхэд гээд түүний амьдралд тохиолдсон бүхий л чухал мөчүүдийг харуулахаар зорьж байгаа гэнэ. Одоогоор киноны нэр, нээлтээ хийх огноо гэхчлэн бусад мэдээллүүд цацагдаагүй байгаа юм.
