Өнгөрсөн даваа гараг /2025.04.14/-т “The Lionsgate” кино компани жүжигчин Жонни Деппийн дүр бүтээж буй “Day drinkers” киноны анхны зургийг нийтэлжээ. Энэхүү триллер жанрын бүтээл нь Жонни Деппийн удаан хугацааны дараа дүр бүтээж буй томоохон төсөл гэдгээрээ үзэгчдийн анхаарлыг багагүй татаад байна. Хамгийн сүүлд тэрбээр 2018 онд “Fantastic beasts: The crimes of Grindelwald” кинонд дүр бүтээсэн юм.
“Day drinkers” киноны найруулагчаар “500 days of Summer”, “Snow white”, “Gifted” тэргүүтэй уран бүтээлүүдээрээ алдартай Марк Уэбб ажиллахаар болсон бөгөөд киноны зураг авалт өнгөрсөн хоёрдугаар сарын эхээр Испанийн Мадрид хотод эхэлжээ. Жонни Деппийн хувьд тус бүтээлд чадварлаг бармены дүрийг бүтээж буй бөгөөд тэрбээр хөлөг онгоц дээр аялж явахдаа нэгэн чинээлэг атлаа нууцлаг бүсгүйтэй танилцсанаар үйл явдал өрнөнө. Гэвч тэрхүү бүсгүйтэй танилцсаны улмаас Жонни аймшигт гэмт хэрэгт холбогдох юм.
