БНСУ-ын уран бүтээлч Rosé болон Бруно Марс нарын хамтарсан “APT.” дуу АНУ-ын “Radio songs” (хуучнаар “Hot 100 airplay”) жагсаалтын 18 дугаар байрт бичигдсээр байна.
Энэхүү жагсаалт нь бүх төрлийн хөгжмийн радиогоор хамгийн их тоглогдсон дуунуудыг долоо хоног бүр эрэмбэлдэг жагсаалт юм.
Ингэснээр Rosé нь “Billboard”-ийн “Radio songs” жагсаалтад 25 долоо хоног дараалан бичигдсэн анхны к-поп уран бүтээлч болжээ.
“BTS” хамтлагийн “Dynamite” дуу 2020 онд 19 долоо хоног дараалан уг жагсаалтад бичигдэж, хамгийн удаан байршсан к-поп уран бүтээлээр тодорч байсан юм.
“APT.” дуу нь мөн “Billboard”-ийн “Hot 100” жагсаалтад хамгийн удаан байршсан эмэгтэй к-поп уран бүтээлчийн дуу гэсэн дээд амжилтаа шинэчилж, дараалан 29 дэх долоо хоногтоо 20 дугаар байрт бичигдсээр байна.
