Монгол Улсад Нисэх хүчин үүсэж хөгжсөний 100 жилийн ой энэ онд тохиож буй. Түүхт ойг тохиолдуулан Иргэний нисэхийн үндэсний төв, “Номадиа пикчерс” хамтран нисэхийн салбарын тухай өгүүлэх олон ангит кино бүтээжээ.
“Тэнгэр газрын хязгаарт” олон ангит уран сайхны кинонд нисэхийн салбарт ажилладаг залуусын тухай өгүүлэх бөгөөд орчин үеийн залуусын хүсэл мөрөөдөл, хайр сэтгэл, амьдралын талаар харуулах юм.
Үүгээрээ Монгол Улсад нисэх хүчин үүсэж хөгжсөний 100 жилийн ойд зориулан нисэхийн салбарын ажил мэргэжлүүдийн онцлог, ач холбогдол, үнэ цэнийг үзэгч, олон нийт, залууст таниулан, үнэн зөвөөр ойлгуулах, агаарын тээврээр зорчигчдын мэдлэгийг дээшлүүлэх давхар ач холбогдол агуулсан аж.
Романтик комеди, романтик драм, гэр бүлийн драм, драм хэлбэртэй 16 ангит эл киног МҮОНТ-ээр хүлээн авч үзэх боломжтой.
