Соёл, спорт, аялал жуулчлал, залуучуудын яам, Монголын урчуудын эвлэл хамтран “Artweek-2025” үзэсгэлэнг өнөөдөр /2025.05.23/ нээнэ.
Энэ жилийн хувьд МУЭ-ийн Арт галерей, МУЭ-ийн хуучнаар Монументаль чимэглэлийн үйлдвэр байсан “Art space” галерей, МУЭ-ийн Уран бүтээлчдийн Нэгдсэн урлан зэрэг гурван объектын 4000 гаруй м2 талбайд үзэсгэлэнг зохион байгуулах юм.
Дүрслэх урлагийн салбарын мэргэжлийн кураторуудын дэглэсэн 64 уран бүтээлчийн өрөг урлаг, уран баримал, уран зураг, гэрэл зураг, медиа арт бүхий орчин үеийн бүтээлүүдээс бүрдсэн уг үзэсгэлэнг 2025 оны тавдугаар сарын 30-ныг дуустал өдрүүдэд 10:00-19:00 цагийн хооронд үнэ төлбөргүй үзэж, сонирхох боломжтой.
Мөн нэгдсэн урлангаар зочилж, Улаанбаатар хотод идэвхтэй үйл ажиллагаа явуулдаг галерей, хувь уран бүтээлчид, 21 аймгийн төлөөлөл болсон уран бүтээлчидтэй танилцаж, урлагийн тухай яриа өрнүүлэх, бүтээл худалдан авах боломжийг олгосон нээлттэй өдөрлөг зохион байгуулна.
Дүрслэх урлагийн үндсэн таван төрлийн нэг болох архитектурын салбарын уран бүтээлч залуучууд багаараа оролцож, кураторын багт ажиллаж байгаагаараа мөн онцлог юм.
