51 дэх удаагийн “AMA 2025” буюу Америкийн хөгжмийн шагнал гардуулах ёслол тавдугаар сарын 26-ны даваа гарагт Лас Вегас хотын “Fontainebleau” зочид буудалд боллоо. Энэ жилийн арга хэмжээг дуучин, жүжигчин Женифер Лопез хөтөлсөн гэдгээрээ онцлог байв. Тэрбээр арга хэмжээг хөтлөөд зогсохгүй нээлтийн үзүүлбэрийг үзүүлжээ.
Билли Айлиш энэ жилийн хамгийн тод од байлаа. Тодруулбал, тэрбээр оны шилдэг уран бүтээлч болон оны шилдэг цомог зэрэг нийт долоон шагналын эзэн болжээ. Гэсэн ч тэр Европоор аялан тоглолттой яваа тул шагналуудаа биеэр хүрэлцэн ирж авч чадаагүй юм.
Бейонсе “Cowboy Carter” цомгоороо каунтри хөгжмийн ангилалд түүхэн амжилт гаргаж, шилдэг каунтри уран бүтээлч, шилдэг каутри цомог шагналуудыг хүртжээ. Бейонсе ч бас “Cowboy Carter Tour” аялан тоглолтоосоо болоод шагнал гардуулах ёслолд ирж чадаагүй.
Жанет Жексон “ICON Award” шагнал хүртэв. Энэ нь түүний долоон жилийн дараах эргэн ирэлт байлаа. Мөн Шакира шилдэг латин дуу шагнал хүртжээ.
“AMA 2025” шагнал гардуулах ёслолын нэр дэвшигчид болон шилдгээр шалгарсан уран бүтээлчдийн бүрэн жагсаалтыг ЭНД-ээс харах боломжтой.
