“Chucky (Child’s play)” киноны алуурчин Чаки хүүхэлдэйн дүрийг бүтээсэн жүжигчин Эд Гейл 2025 оны тавдугаар сарын 27-нд 61 насандаа Лос Анжелес хотод таалал төгсжээ. Түүний зээ дүү Кейс Гейл уг харамсалтай мэдээг өөрийн фэйсбүүк хуудаснаа нийтэлсэн ба түүний нас барсан шалтгаан одоогоор тодорхойгүй байгаа аж.
Эд Гейл 1963 онд Мичиганы Плейнвелл хотод төрж өсөн, жүжигчин болохын тулд 20-иод насандаа халаасандаа ердөө 41 доллартой Лос-Анжелес хот руу нүүн, 1986 онд “Нугас Ховард” кинонд анхны дүрээ бүтээж байжээ. Харин хоёр жилийн дараа буюу 1988 онд алдарт Чакигийн дүрийг бүтээсэн юм. Уг киноны найруулагчаар Том Холланд ажиллаж, Крис Сарандон, Кэтрин Хикс, Алекс Винсент, Дина Маноф, Томми Свердлоу нар тоглож байжээ.
