2016 онд анх цацагдсан “Stranger things” цувралын тав дахь бөгөөд сүүлийн бүлэг гурван жилийн дараа буюу 10 жилийн босгон дээр дахин дэлгэцэнд гарах гэж байна.
“Stranger things” цувралын тавдугаар улирал ирэх намар “Netflix”-ээр гурван хэсэг болон цацагдах бөгөөд энэ тухайгаа тэд тавдугаар сарын 31-нд зохион байгуулсан фэнүүдэд зориулсан “Tudum” арга хэмжээний үеэр мэдээлжээ. Тодруулбал, эл бүлгийн эхний хэсэг нь дөрвөн ангитай бөгөөд арваннэгдүгээр сарын 26-нд, хоёр дахь хэсэг нь гурван ангитай бөгөөд арванхоёрдугаар сарын 25-нд буюу Зул сарын баяраар, төгсгөлийн анги арванхоёрдугаар сарын 31-нд Шинэ жилийн өмнө цацагдах юм байна. Бүх ангиуд Нью-Йоркийн цагаар 20.00 цагт “Netflix”-т байрших аж.
“Stranger things” цувралын тавдугаар улирал “The crawl”, “The vanishing of…”, “The turnbow trap”, “Sorcerer”, “Shock jock”, “Escape from Camazotz”, “The bridge”, “The rightside up” гэсэн найман ангиас бүрдэх юм.
