Өмнөд Солонгосын алдарт к-поп хамтлаг “Seventeen” 10 жилийнхээ ойг тохиолдуулан тав дахь бүрэн хэмжээний цомог болох “Happy burstday”-г 2025 оны тавдугаар сарын 26-нд албан ёсоор гаргалаа.
“Burstday” гэх нэр нь “birthday” гэдэг үгийн оронд “burst” буюу тэсрэлт гэсэн санааг илэрхийлж, шинэ “Seventeen”-ийг тунхаглаж буйг бэлгэджээ.
Энэхүү цомогт нийт 16 дуу багтсан бөгөөд 13 дуу нь гишүүн тус бүрийн бие даасан бүтээл байна. Уг цомог нэг өдрийн дотор 2.26 сая хувь, долоо хоногийн дотор 2.52 сая хувь борлуулагдсан нь 2025 оны хамгийн өндөр борлуулалттай к-поп цомог болжээ.
View this post on Instagram
Цомгийн гол бүтээлүүдийн нэг болох “Bad influence” дууг Фаррел Уильямстай хамтран гаргасан бөгөөд эл дуу “Billboard”-ын жагсаалтын хоёрдугаар байрт бичигдсэн байна.
Мөн “Happy burstday” цомогт Фаррел Уильямсаас гадна Loren, Сабрина Карпентер нарын уран бүтээлчидтэй хамтарсан дуунууд багтсан аж.
