Дүрслэх урлагийн “Анима” сургуулийн нэг болон хоёрдугаар дамжааны оюутнууд багш Х.Уужимбилэгийн удирдлагаар Сүхбаатар дүүргийн хоёрдугаар хорооны 26 дугаар байрны арын хана дээр зураг зуржээ. Уг хананд өмнө нь ёс бус үг хэллэг, дүрслэлүүд байсан тул оюутнууд түүнийг бүтээлээрээ халхалж, иргэдэд эерэг сэтгэгдэл төрүүлэх зорилготой ажилласан байна.
Мөн уг ажлын тухай багш Х.Уужимбилэг “Цаашдаа ч ийм төрлийн ханын зураг зурах үйл ажиллагааг тогтмол зохион байгуулна” гэсэн юм.
