Бишкекийн олон улсын кино наадамд найруулагч Ж.Сэнгэдоржийн бүтээл “Чимээгүй хотын жолооч” уран сайхны кино өрсөлдөж, тус уран бүтээл шилдэг найруулагч, шилдэг жүжигчин номинацид шилдгээр шалгарчээ.
Тус кино нь өнгөрсөн оны арваннэгдүгээр сард дэлхийн кино урлагийн А зэрэглэлийн фестиваль болох “Talling black night film festival”-д гранпри шагнал болон шилдэг зураачийн шагнал тус тус хүртэж байв. Мөн “Asian movie pulse” вэбсайтаас 2024 оны шилдэг 30 ази кино жагсаалтыг гаргахад эл жагсаалтын 22-т “Чимээгүй хотын жолооч” кино жагссан юм.
Мөн өнгөрсөн гуравдугаар сард Японы Осака хотод зохион байгуулагддаг 20 дахь удаагийн “Osaka Asian Film Festival”-иас ус уран бүтээлийн гол дүрд тоглосон А.Түвшинбаяр Азийн шилдэг жүжигчин шагнал хүртэж байв.
