Америкийн уран зураач Элизабет Пэйтоны 1996 онд бүтээсэн “Liam+Noel (Gallagher)” нэртэй хөрөг London‑д арваннэгдүгээр сарын 24‑нд болох “Sotheby’s Modern&Contemporary Evening Auction”-нд дуудлага худалдаанд тавигдахаар болжээ.
Энэхүү бүтээлийг дуудлага худалдаанд 1.5–2 сая евро (ойролцоогоор 2.03–2.71 сая)-гийн үнэлгээтэйгээр оруулаад байгаа юм.
Хөрөг нь 1995 онд Стефет ди Батселиерийн авсан зураг дээр суурилан бүтээгдсэн ба дэлхий дахинаа алдартай “Oasis” хамтлагийн ах дүүсийн дотно агшинг дүрсэлжээ.
Энэхүү хөрөг урлагийн зах зээл дээр Пабло Пикассо, Жан Мишель Баския, Рой Лихтенштейн зэрэг бусад агуу уран бүтээлчдийн хамтаар нэрлэгдэж байгаа бөгөөд өндөр үнэ цэнийг харуулаад байна.
Ташрамд дурдахад, “Oasis”-ийн “Live ’25 tour” тоглолт 2025 оны долдугаар сарын 4-нд Кардифф (Principality Stadium)–аас эхлэн Лондон, Манчестер, Эдинбург, Дублин, Их Британи, Ирланд даяар 17 тоглолт зохион байгуулахаар төлөвлөгдөөд байгаа юм.
Харин дараа нь тэд Хойд Америк (Торонто, Чикаго, Нью Жерси, Лос Анжелес, Мексико Сити)-д 9 тоглолт, Ази, Австрали, Өмнөд Америкт нийт 41 тоглолт хийж, арваннэгдүгээр сарын 23-нд Сан-Паулодоор дуусгах аж.
