Өчигдөр буюу мягмар гараг /2025.07.01/-ийн орой Өмнөд Солонгосын алдарт BTS хамтлаг “Weverse” платформ дээр шууд дамжуулалт хийх үеэрээ ирэх жил эргэн эрэлтээ хийнэ гэж зарласан байна. Тэд шинэ цомог гаргаж, дэлхийн аялан тоглолт хийх аж.
Тус хамтлагийн гишүүн RM шууд дамжуулалтын үеэр “Бид долоодугаар сард хөгжим дээрээ бүрэн анхаарлаа хандуулж эхэлнэ. Ирэх хавар бид хамтлагаараа шинэ цомог гаргана. Бас тэр үед дэлхийн аялан тоглолт хийх нь гарцаагүй. Бид дэлхийг тойрон аялан тоглох болно, тиймээс бидэнтэй хамт байгаарай” гэж хэлжээ.
RM нэмж хэлэхдээ шинэ дуугаа АНУ-д хийнэ гэсэн юм. Харин Жимин “Бид та бүхнийг удаан хүлээлгэхгүй байх болно. Хурдан бөгөөд хичээнгүй ажиллана. Буцаад цугласандаа маш их баяртай байна” гэж хэлжээ.
Тус хамтлагийн бүх гишүүн цэргийн албаа хааж дуусгаад буй юм.
