Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмын хурдан морьдын өнөөдрийн уралдаан соёолон насаар эхэлж байгаа.Төрийн их баяр наадмын хурдан соёолонгийн уралдаанд 363 соёолон бүртгүүлж, 193 соёолон уралдсан юм.
Тэдгээрээс өнгөрсөн жил улсын наадамд хязаалан насандаа айрагдсан гурван соёолон энэ жил дахин айрагдлаа.
Айргийн тавд хурдалсан соёолонгууд:
1. Ховд аймгийн Мянгад сумын харьяат Монгол Улсын манлай уяач З.Мэндсайханы хул,
2. Хэнтий аймгийн Норовлин сумын уяач Н.Мөнхийн бор,
3. Говь-Алтай аймгийн Эрдэнэ сумын уяач Б.Гантулгын хээр,
4. Сүхбаатар аймгийн Баяндэлгэр сумын уяач Д.Аваасүрэнгийн хээр халзан,
5. Сүхбаатар аймгийн Баяндэлгэр сумын харьяат аймгийн алдарч уяач Б.Баярмагнайгийн бор.
