Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Ардчилсан хувьсгалын 35 жилийн ойн Үндэсний их баяр наадмын хүчит бөхийн барилдаанд Улсын начин Э.Батмагнай түрүүлж, Улсын гарьд цолны болзол хангасан Н.Өсөхбаяр үзүүрлэлээ.
Энхтүвшингийн Батмагнай нь Баянхонгор аймгийн Жинст сумын харьяат бөгөөд 11 наснаас эхлэн Үндэсний бөх болон Чөлөөт бөхийн спортоор хичээллэж эхэлжээ. 2019 онд Баянхонгор аймгийн баяр наадамд тав давж, аймгийн начин цол хүртсэн бол 2020 онд мөн аймгийнхаа баяр наадамд зургаан давж үзүүрлэн аймгийн заан цол хүртэж, амжилтаа үргэлжлүүлсэн байдаг. Харин 2022 оны үндэсний их баяр наадамд анх удаа зодоглож, тав даван улсын начин цол хүртсэн билээ.
