Уиллем Дефог энэ цаг үеийн томоохон уран бүтээлч, хувирагч жүжигчин гэж нэрлэдэг. Тэрбээр “Хүн-аалз”-ын муу баатар, Ван Гог, Христос, сэтгэцийн эмч, алуурчин гэхчилэн 150 гаруй дүрийг бүтээсэн уран бүтээлч юм.
Өнөөдөр тэрбээр 70 нас хүрч байна.
Тэрбээр Америкийн баруун хойд хэсэгт протестан гэр бүлд өсөж хүмүүжжээ.
Тэрбээр эцэг эхээс долуулаа. Түүний аав мэс заслын эмч, ээж сувилагч байв. Мөн ах эгч нар нь ч анагаахын хүмүүс. Түүнд гэр бүлээсээ ганцаараа өөр ажил хийх боломж гарчээ.
Тэрбээр их сургуулиа хоёрдугаар дамжаанаас нь хаяад чөлөөт уран бүтээлчидтэй нэгджээ. Амь зогоохын тулд янз бүрийн ажил хийж байлаа. Ингэж явсаар нэгэн жижиг театрт мужаанаар орсон ч удалгүй жүжигчин болсон байна.
Уиллем Дефо уран бүтээлийн гараагаа театраас эхэлсэн.
Тэрбээр анх 1980 онд Кэтрин Бигелоун найруулсан “Хайргүй” кинонд тогложээ. Үүний араас “Лос-Анжелест амьдарч, үхэх нь”, “Миссисипи галд”, “Зэрлэг зүрхтэн”, “Англи өвчтөн”, “Америкийн психопат”, “Антихрист”, “Отель Гранд Будапешт” гэсэн 150 кинонд тогложээ.
Тэрбээр гэртээ, зураг авалтын талбай гээд хаана ч байсан өглөөг иог, бясалгал хийж эхэлдэг аж. Өглөө 03:00 цагт босдог гэнэ.
Мөн тэрбээр 40 гаруй жил өдрийн тэмдэглэл хөтөлж буй ажээ. Сонссон сонирхолтой яриа, үзсэн харснаа бичдэг байна. Бас инээдтэй зураг, тасалбар, орон болгоны мөнгөн тэмдэгт, сонины хайчилбар цуглуулдаг.
