Домогт “The devil wears Prada” киноны үргэлжлэл анги албан ёсоор хийгдэж эхэллээ. Энэхүү мэдээг батлах мэт Оскарын шагналт жүжигчин Энн Хэтэуэй өөрийн инстаграм хуудсаар дамжуулан зураг авалтын үеэрх зургийг “Andy Sachs 2025” гэсэн гарчигтай нийтэлжээ.
View this post on Instagram
2006 онд гарсан анхны ангид тэрээр алдартай загварын сэтгүүлийн ерөнхий редактор Миранда Пристлийн туслахаар ажиллаж байсан Энди Сакс хэмээх сэтгүүлч бүсгүйн дүрийг бүтээж байв. Киноны төгсгөлд Энди Нью-Йоркийн нэр хүндтэй өдөр тутмын сонинд сэтгүүлчээр ажиллахаар шийдвэр гаргаж, “Runway” сэтгүүлийн ажлаа хүлээлгэж өгдөг. Харин үргэлжлэл ангид Энди дахин загварын ертөнцөд хөл тавих эсэх нь одоогоор нууц хэвээр байна.
Шинэ ангид Энн Хэтэуэйгээс гадна жүжигчин Мерил Стрип (Миранда Пристли), Эмили Блант (Эмили Чарлтон), Стэнли Туччи (Найжил) нар дахин тус тусын дүрээрээ эргэн ирэх нь батлагджээ. Мөн шинээр Люси Лю, Жастин Теру, B.Ж. Новак, Паулин Шаламе зэрэг чадварлаг жүжигчид жүжигчдийн бүрэлдэхүүнд нэгдэж байгаа нь олон нийтийн хүлээлтийг улам бүр нэмэгдүүлж байна.
Түүнчлэн “The devil wears Prada-2” киноны үйл явдал нь “Met Gala”-гийн эргэн тойронд өрнөх өндөр магадлалтай бөгөөд 2026 оны тавдугаар сарын 1-нд нээлтээ хийхээр товлогджээ.
