Газрын маргааны зодоонд дүүгээ алдсан ах дүүс DH группээс өшөө авахаар шийдэж, мөрдөгчид хэргийн араас орж, тэд маш том хууль бус хүчний эсрэг тэмцэж буй тухай өгүүлдэг “Гарц” олон ангит кино өнгөрсөн 2024 онд үзэгчдийн хүртээл болсон.
Киног Б.Саруулбуян найруулж, дүрүүдэд Б.Баатархүү, Б.Гарамханд, Б.Одончимэг, Э.Тодгэрэл, Ц.Давааням, Т.Оюунболд, О.Анхсүх нарын уран бүтээлчид тоглож байв.
Тэгвэл эл киноны хоёрдугаар бүлгийг “Номадиа” пикчерс, “Фалко” энтертайнмент хамтран бүтээжээ. Харин хоёрдугаар бүлэгт өмнөх бүлэгт тоглосон жүжигчдийн бүрэлдэхүүн дээр “Аримун” продакшны жүжигчин А.Ганчимэг нэмэгдэн, гол дүрд тоглосон байна.
“Гарц” олон ангит киноны хоёрдугаар бүлгийн ангиуд ирэх наймдугаар 8-наас үзэгчдэд хүрч эхэлнэ.
