Дөрвөд далай ханы алдарт дархан Арсан Хавдар түүний тав дахь үеийн ач уран дархан Ө.Гүнзэн агсны үр ач нарын урласан түүхэн бүтээлийн “Хөх сар” үзэсгэлэн аймгийн музейд нээлтээ хийлээ. 100 жилийн түүхэн ойн өмнөхөн үе дамжсан алдартай уран дархчуудын бүтээлийн сан хөмрөг , өнөөг хүртэл хэрхэн хадгалагдан ,уламжлагдан ирснийг харуулахаас гадна өдгөө ач, үр хүүхэд өвлөн, үнэ цэнтэй бүтээлүүдийг урласаар байна.
Тодруулбал Ө.Гүнзэн агсны ач уран дархан Сүхбаатарын Чинбат, түүний хүү Ч.Ган-Очир нар өдгөө долоо, найм дахь үеийн удам дамжсан дарханы өвийг тээж байна.
“Хөх сар” үзэсгэлэнд 200 гаруй жил тасралтгүй үе дамжин үр хойчдоо өвлөгдөн ирсэн нэгэн удмын дархчуудын урласан түүхэн бүтээлүүд, дарханы багаж зэмсэг, баримт бичиг, шагнал тавигдахаас гадна уран удмын долоо дахь үеийн дархан С.Чинбат түүний хүү ган сийлбэрч Ч.Ган-Очир нарын урласан ган сийлбэрт бүтээлүүд тавигдлаа.
