Дэлхий даяар үнэмлэхүй өндөр амжилт үзүүлж буй “K-pop Demon Hunters” кинонд YG энтертайментийн бүтээсэн хөгжмийн зохиомж, дуунууд хамгийн том нөлөө үзүүлсэн гэж дүгнэжээ.
Энэхүү амжилт нь YG энтертайментийн бүтээсэн хөгжим нь кино цувралын ертөнцөд өрсөлдөхүйц түвшинд хүрснийг харуулсан төдийгүй салбарын шинжээчдийн анхаарлыг татав.
“K-pop Demon Hunters” нь K‑pop соёл, адал явдалт агуулгыг хослуулсан анхны томоохон бүтээлүүдийн нэг бөгөөд олон улсад цацагдсанаас хойш үзэгчдээс өндөр үнэлгээ авчээ. Уг амжилтын үр дүнд YG энтертайментийн охин компани “YG Plus” нь Нэтфиликсийн хөрөнгө оруулсан бүх Солонгос драма, кинонд өөрсдийн хөгжмийн бүтээлүүдийг нийлүүлж, хамтран ажиллах албан ёсны гэрээ байгуулсан талаар зарлалаа.
Уг гэрээгээр “YG Plus” нь цаашид Нэтфиликсийн Солонгосын олон ангит цуврал болон уран сайхны кинонуудад зориулсан дуу, хөгжмийн зохиомжийг шууд нийлүүлж, бүтээлийн хэв маягт тохирсон хөгжмийн шийдлийг санал болгох юм.
