Улсын дуурь бүжгийн эрдмийн театр 2025-2026 оны 63 дахь улирлынхаа нээлтийн тоглолтын товыг зарлалаа. Тус театрынхан сонгодог урлагийн үндэс суурь болсон симфони найрал хөгжмийн бүтээлүүдэд төвлөрсөн “Orchestra Night” тоглолтоор эхлүүлэхээр болжээ.
Энэхүү тоглолт нь театрын уран бүтээлийн гол тулгуур болсон хөгжимчдийн оролцоог онцлон симфони найрал хөгжмийн уран сайхны илэрхийлэл, хөгжим дэх утга зохиол, мэдрэмж, өрнөл, дотоод сэтгэлийн хүчийг тайзнаа бүрэн хүргэх зорилготой.
Дуурь, балетын бүтээлүүдийн ар талд үргэлж оршдог чухал “суурь давхарга” болох найрал хөгжмийг энэ удаа гол цөмд авч, цэвэр хөгжимд суурилсан үзүүлбэрээр шинэ улирлыг эхлүүлэхээр болсон байна.
Тасалбар наймдугаар сарын 1-нээс худалдаанд гарна.
УДБЭТ-ын 63 дахь улирлын хөтөлбөр
-660x0.jpeg)
