БНСУ-ын алдарт к-поп хамтлаг “RIIZE”-ийн гишүүн асан Hong Seonghan буюу Xnghan өөрийн бие даасан уран бүтээлчийн замналынхаа эхний томоохон төслийг Монголд авсан зургуудаараа гаргажээ. Тэрбээр саяхан “Mongolia: A Soulful Escape” нэртэй гэрэл зургийн цомгоо танилцуулсан бөгөөд уг бүтээл нь түүний өнгөрсөн хавар Монгол Улсад аялсан дурсамжууд, байгаль, орон нутгийн хүмүүсийн хөрөг, хөдөө нутгийн эгэл амьдралыг харуулсан тун өвөрмөц сэтгэл хөдлөл агуулсан бүтээл болжээ.
View this post on Instagram
Xnghan өөрийн цахим хуудсанд “Монгол бол миний хувьд сэтгэл зүйгээ цэгцэлж, шинэ зорилгынхоо эхлэл болсон газар. Байгаль нь уужим, хүмүүс нь амгалан. Би гэрэл зургаар дамжуулан энэ мэдрэмжийг хуваалцахыг хүссэн” хэмээн бичжээ.
Цомогт багтсан зургуудыг Монголын хангай нутгийн онгон байгаль, адуу малтай айлын аж амьдрал, үдийн нар, шөнийн оддоор чимсэн хээр тал, улаан тоос татуулан давхих морьтнуудын дүр зураг бүрдүүлж байгаа нь олон улсын сошиал сүлжээнд ч анхаарал татаж байна. Тэрбээр мөн дараагийн цомог болон хөгжмийн бичлэгүүдээ ч Монголд хийхээр төлөвлөж байгаа ажээ.
“Xnghan’s Mongolia” хэмээх энэхүү цомог нь цахим хувилбараар гарсан бөгөөд тун удахгүй хязгаарлагдмал тоогоор хэвлэмэл хувилбараар олон улсад худалдаалагдахаар бэлтгэгдэж буйг албан ёсны агентлаг нь мэдэгджээ.
