Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
Facebook Twitter Instagram
Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
Facebook Twitter Instagram
Урлаг.мнУрлаг.мн
Урлаг.мн»Өв соёл»Хөөмийн наадмын шилдгүүд тодорлоо
Өв соёл

Хөөмийн наадмын шилдгүүд тодорлоо

Урлаг Урлаг06/08/2025Сэтгэгдэл байхгүй1 минут уншина
Facebook Twitter LinkedIn Имэйл Telegram WhatsApp
Share
Facebook Twitter LinkedIn Pinterest Имэйл

Ховд аймагт энэ сарын 2-4-ний өдөр Олон улсын хөөмийн зургаадугаар наадам амжилттай болж өндөрлөлөө. Наадамд гадаад, дотоодын 73 хөөмийч оролцож, гоцлол, хамтлаг, хүүхдийн, орчин үеийн гэсэн дөрвөн төрлөөр авьяас, чадвараа сорьсон юм.

Ийнхүү хөөмийн наадмыг зохион байгуулсан нь хөөмийн урлагийг хөгжүүлэх, түгээн дэлгэрүүлэх, иргэдэд сурталчлах, хөөмийчдийн ур чадварыг нэмэгдүүлэх зорилготой байв. Мөн хөөмийн өлгий нутаг Ховд аймгийн Чандмань сумын түүхт 100 жилийн ойн баяртай уялдуулж байгаагаараа онцлогтой.

Наадмын шилдэг оролцогчид өчигдөр шагналаа гардан авч, нэгдсэн тоглолт сонирхуулсан бөгөөд Ховд аймгийн ЗДТГ, Соёл урлаг, аялал жуулчлал, залуучуудын газраас шилдэг оролцогчийн нэрсийг ийнхүү танилцууллаа.

Тус наадмын гоцлол төрөлд Ховд аймгийн хөөмийч Х.Ганзориг гранпри шагнал хүртсэн бол хөөмийч Ц.Хаш-Эрдэнэ тэргүүн байр, Ч.Баатарсүрэн дэд байр, М.Мөнхбат гуравдугаар байр, Д.Буянтөлх тусгай байрт шалгарлаа.  Харин наадмын хамтлаг төрөлд Ховд аймгийн “Жангар” хамтлаг тэргүүн байр эзэлсэн бол Бүгд Найрамдах Тува улсын “Акышкылар”, “Алтай Кай”, “Эре-Чуй” хамтлаг удаах байрт шалгарав.

Хөөмийн наадмын орчин үеийн үзүүлбэрийн төрлөөр тэргүүн байрт Ц.Хаш-Эрдэнэ, дэд байрт Д.Золзаяа, гуравдугаар байрт Д.Басан, тусгай байрт З.Отгонхүү шалгарсан бол хүүхдийн төрөлд Б.Отгончимэг, Халин, Ч.Түвшинбаяр, Жавхаа, Сүлдээ нар тэргүүллээ.

Наадмын хамрах хүрээ, оролцогчдын тоо өмнөх жилүүдээс нэмэгджээ.

 

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Өв соёл Урлаг

Халимагт монгол хэлт уран бүтээлчид чуулна

27/08/2025
Өв соёл Урлаг

Соёлын үнэт зүйлсийг дижитал хэлбэрт шилжүүлэх төсөл хэрэгжүүлнэ

25/08/2025
Өв соёл Урлаг

“Монгол нүүдлийн зан үйл” өв ЮНЕСКО-д бүртгэгдлээ

20/08/2025

Сэтгэгдэл хаалттай

Сүүлд нэмэгдсэн

Попын хаан өнөөдөр 67 нас хүрэх байлаа

29/08/2025

Ханжөүгийн онгоцны буудал тэжээвэр амьтны хүлээлгийн танхимтай боллоо

29/08/2025

Паоло Соррентино “La Grazia” бүтээлээрээ Венецийн кино наадмыг нээлээ

29/08/2025

ФОТО: “OI” энтертайнментийн бүтээл “No Rules-3: History” олон ангит киноны нээлтээс

29/08/2025

Жон Ленноны хүү Шон Оно Леннон Монголд аялаад буцлаа

29/08/2025
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2025 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.