“Уул, усны диваажин” нэртэй дэлгэмэл Монгол уран зургийг бүтээжээ. Энэ жил Увс аймгийн түүхт 100 жилийн тохиож, их ойдоо бэлэг барихаар Дархан дахь нутгийн зөвлөлийн санаачилгаар уг зургийг бүтээсэн байна.
Увс аймгийн хүн ард, уул, ус, аж амьдралыг илэрхийлсэн дэлгэмэл уран зургийн ерөнхий зураачаар аймгийн зураач, Урчуудын эвлэлийн тэргүүн, Соёлын тэргүүний ажилтан, зураач Нямаагийн Хишигбаатар, ахлах зураачаар Соронзонболдын Мөнгөнзул, зураачаар Буяннэмэхийн Нэмэхням, Төмөрхуягийн Булгандэлгэр, Нордогийн Энхзаяа нар ажиллажээ.
Уран бүтээлчдийн бүтэн гурван сарын хөдөлмөр зүтгэл шингэсэн энэ зургийн урт нь 5 метр, өндөр нь 1.5 метр юм.
Энэхүү уран зурагт дээр Увс нутгийн шүтээн хайрхан уулс, тунгалаг уст нуур гол мөрөн, ой мод, ан амьтан, тал хөндийн үзэсгэлэнт байгалийг бүрэн багтаан дүрсэлжээ.
Уран зургийг нутгийн ойд явуулахаас өмнө бүтээл төрөх агшны анхны сэтгэгдлийг Соёлын гавьяат зүтгэлтэн, сэтгүүлч, зураач Ө.Рагчаасүрэн хэлжээ. Тэр бээр энэ л сайхан нутагт амьдран суугаа уугуул зон олон, Увсын хязгаарт төрж өсөөд эндээс өдлөн дэвжсэн, хөгжсөн алдартан гавьяатнуудын төлөөлөл ч, тэр байна, энэ байна гэж танигдахаар тодхон буужээ хэмжээн өөрийн сэтгэгдлээ илэрхийлж Дархан-Уул аймгийн урчуудын эвлэлийн гишүүдийн өмнөөс талархал илэрхийлжээ.
Бүтээлийн эх зургийг Увс аймгийн 100 жилийн ойн баяр наадмын нээлтийн үеэр нутгийн удирдлагууд бэлэг болгон барьсныг Цахиур.мн сайт онцлон гэрэл зургийг буулгажээ.
Түүнчлэн уран зургийг аймгийн ойн номд оруулж хэвлүүлэхээс гадна багасгасан хэмжээгээр олшруулан ил захидал, бэлэг дурсгал болгон нийтэд түгээж, марк дээр буулгаж, мөнхөд үлдээхээр төлөвлөж байгаагаа зураач Н.Хишигбаатар онцолжээ.
